उर्लाबारी । नेकपा एमालेको विद्यार्थी संगठन अनेरास्वबियु उर्लाबारी नगर कमिटिको अध्यक्षमा भुवन मंग्रान्ती निर्वाचित हुनु भएको छ । शनिवार उर्लाबारी ५ स्थित हाम्रो साकोसको सभाहलमा भएको प्रथम नगर अधिबेशनले अध्यक्षमा मंग्रान्ती र सचिवमा किरोज भण्डारीसहित ३९ सदस्यीय नगर कमिटि निर्वाचित गरेको हो ।
अनेरास्ववियु उर्लाबारी नगर कमिटी संयोजक नवराज अधिकारीको अध्यक्षतामा भएको अधिबेशनमा अनेरास्ववियु केन्द्रिय कमिटी सदसय सुनिल धिमालको प्रमुख आतिथ्यता रहेको थियो । अनेरास्ववियु मोरङ जिल्ला सचिव हेमन सुब्बा, नेकपा एमाले उर्लाबारी नगर उपाध्यक्ष कुमार लिम्बू, नेकपा एमाले उर्लाबारी नगर सचिव गोपालप्रसाद रिमाल,अनेरास्ववियु मोरङ जिल्ला कमिटी सदस्यहरु रामु तिवारी, मनिष भण्डारी, उचित अर्याल,खगेन्द्र गुँरागाई लगायतको आतिथ्यता रहेको थियो ।
