उर्लाबारी । मोरङको उर्लाबारी नगरपालिका वडा नं. ६ मा दशैंको अवसरमा सांस्कृतिक कार्यक्रम गरिने भएको छ ।
उर्लाबारी युवा समूहको आयोजनामा उर्लाबारी–६ स्थित राधिका माध्यमिक विद्यालयको खेलमैदानमा सांस्कृतिक कार्यक्रमसहित चिट्ठा कार्यक्रम राखिएको हो । दशैं, तिहार, नेपाल सम्वत र छठ पर्वको शुभकामना आदानप्रदानसहित सांस्कृतिक कार्यक्रम राखिएको छ । चिट्ठामा विजेताले स्कुटर, उपविजताले ५० इन्चको एलईडी टिभी, तेस्रोलाई फ्रिज र चोथौलाई मिक्चर प्रदान गरिने छ । स्थानीय कलाकारहरुले भरपर मनोरञ्जन दिने आयोजकले जनाएको छ । पिङलगायतसमेत राखिने छ ।