अनिल चौहान
उर्लाबारी । पूर्वी मोरङका पत्रकारहरुको साझा संस्थाको रुपमा रहेको सञ्चार क्लब नेपालको कार्यालयका लागि उर्लाबारी नगरपालिकाले प्रिन्टरसहित एक थान कम्प्यूटर प्रदान गरेको छ ।
उर्लाबारी नगरपालिकाका मेयर खड्ग फागोले सञ्चार क्लब नेपालका अध्यक्ष सरोज बस्नेतलाई प्रिन्टरसहित एक थान कम्प्यूटर हस्तान्तरण गर्नुभएको हो । मेयर फागोले कार्यालय ब्यवस्थापनमा सहज होस् भनेर नगरपालिकाले प्रिन्टरसहित एक थान कम्प्यूटर प्रदान गरेको र आगामी दिनमा पनि संचार क्षेत्रको विकासमा सहयोग गर्ने प्रतिबद्धता जाहेर गर्नुभयो । क्लबका अध्यक्ष बस्नेतले नगरपालिका र मेयर फागोलाई धन्यवाद प्रकट गर्दै सञ्चार क्लबलाई महत्वपूर्ण सहयोग पाइरहेको उल्लेख गर्नुभयो ।