उर्लाबारी । मोरङको उर्लाबारी–६ मा रहेको कुडोस बिद्यासदनको अभिभावक दिवस र कुडोस कार्निभल १.० भव्य रूपमा सम्पन्न भएको छ ।
शनिबार विद्यालय परिसरमा उर्लाबारी नगरपालिकाका शिक्षा शाखा उपसचिव शालिग्राम काफ्लेको प्रमुख आतिथ्यतामा सो कार्यक्रम सम्पन्न भएको हो । संस्थापक सूर्यकुमार पौडेलको अध्यक्षतामा भएको उक्त कार्यक्रममा कुडोस कार्निभल १.० अन्तर्गत विद्यार्थीहरूले सांस्कृतिक नृत्य, चित्रकला, विज्ञान र गणित प्रदर्शनी तथा मनोरञ्जनात्मक प्रस्तुतिहरू दिएका छन् । कार्यक्रममा प्रमुख अतिथि शिक्षा शाखा प्रमुख काफ्लेसँगै प्याब्सनका पूर्व केन्द्रीय सदस्यउ लेखनाथ भट्टराई, प्याब्सन जिल्ला पूर्व बरिष्ठ उपाध्यक्ष सुरेन्द्र लिम्बू, नेकपा माओवादी केन्द्र उर्लाबारीका अध्यक्ष गजेन्द्र दंगाल, समाजसेबी जयधर्म आचार्यलगायतले बोल्नुभएको थियो । उत्कृष्ट विद्यार्थीहरूमा सम्मानित गरिएको छ भने उत्कृष्ट शिक्षकको रूपमा शिक्षिका दिपा धिमाललाई सम्मानित गरिएको छ । कुडोस बिद्यासदनमा नर्सरीदेखि कक्षा ८ सम्मको पठनपाठन गराउँदै आएको छ भने हाल यस विद्यालयमा ३ सय ५१ जना विद्यार्थी अध्ययनरत छन् । त्यस्तै, २७ जना शिक्षक शिक्षिका तथा कर्मचारी कार्यरत रहेका छन् ।