उर्लाबारी । उर्लाबारीमा जारी उर्लाबारी कृषि, औद्योगिक तथा पर्यटन महोत्सव २०८१ मा आज गायिका अस्मिता अधिकारी र गायक महेश काफ्लेले प्रस्तुति दिने भएका छन् ।
आज साँझ ७ बजेदेखि सांगितिक कार्यक्रम हुनेछ । महोत्सवमा तेस्रो दिनमा उत्साजनक रुपमा चलिरहेको छ । उर्लाबारी उद्योग बाणिज्य संघको आयोजनामा उर्लाबारी–४ आइतबारे स्थित उर्लाबारी नगरपालिका दक्षिणतर्फको क्षेत्रमा महोत्सव लागिरहेको छ । महोत्सवमा कृषि, उद्योग, पर्यटन क्षेत्रका विभिन्न प्रदर्शनी, सांस्कृतिक कार्यक्रम र व्यापारिक स्टलहरू रहने रहेका छन् ।
