उर्लाबारी । मोरङको उर्लाबारीमा जारी उर्लाबारी कृषि, औद्योगिक तथा पर्यटन महोत्सव २०८१ मा आज गायक कमल खत्री र द्रव्य व्याण्डले प्रस्तुति दिने भएको छ ।
उर्लाबारी–४ आइतबारेस्थित उर्लाबारी नगरपालिका दक्षिणतर्फ सञ्चालन भइरहेको महोत्सवमा आज साँझ ७ बजेदेखि सांगितिक प्रस्तुति रहने आयोजक समितिका सदस्य केशब भट्टराईले जानकारी दिनुभयो । उर्लाबारी उद्योग वाणिज्य संघको आयोजनामा सञ्चालन भइरहेको महोत्सव उत्साहपूर्वक दोस्रो दिनमा चलिरहेको छ ।
