उर्लाबारी । मोरङको उर्लाबारीका २३ वटा सामुदायिक विद्यालयहरुलाई फुटबल सहयोग गरेको छ । ग्रामीण क्षेत्रका विद्यालय स्तरबाटै फुटबल खेलको विकासमा टेवा पु¥याउने उद्देश्यले उर्लाबारीका प्रत्येक विद्यालयलाई फुटबल वितरण गरिएको हो ।
उर्लाबारी भेट्रान फुटबल क्लबले २३ वटा विद्यालयलाई दुई÷दुई वटा फुटबल सहयोग गरिएको कार्यक्रम संयोजक चन्द्र तामाङले जानकारी दिनुभयो । करिब १ लाख रुपैयाँ बराबरको फुटबल वितरण गरिएको उहाँले बताउनुभयो । विद्यालय स्तरबाट खेलाडी उत्पादनमा जोड दिँदै फुटबल सहयोग गरिएको क्लबका अध्यक्ष दिपक पोमुले जानकारी दिनुभयो । नगरमा फुटबलको विकास विद्यालय स्तरबाटै गराउनका लागि यो सानो सहयोग गरिएको बताउँदै उहाँले आगामी दिनमा पनि विद्यार्थी तथा युवाहरुलाई फुटबल खेलमा प्रेरित हुने गतिबिधि सञ्चालन गरिने बताउनुभयो ।
उर्लाबारीका सबै विद्यालयमा पुगेरै फुटबल वितरण गरिएको छ । भेट्रानका अध्यक्ष दिपक पोमु, कार्यक्रम संयोजक चन्द्र तामाङ, फुटबल प्रशिक्षक तथा जनप्रतिनिधि विनोद धिमाल, सञ्चार क्लब नेपालका पूर्वअध्यक्ष तथा उर्लाबारी फुटबल क्लबका सचिब घनश्याम भण्डारी, भेट्रान क्लबका कोषाध्यक्ष विक्रम चापागाई, सदस्यहरु प्रितम भट्टराई, रमेश कटुवाल, रतन धिमाल, दिपेन्द्र लिम्बू, दिलकुमार गुरुङलगायतको टिम विद्यालयमै पुगेर फुटबल हस्तान्तरण गरेका थिए । उर्लाबारी फुटबलमा उर्वरभूमी मानिन्छ । तर, पछिल्लो समय खेलाडी पलायन हुने क्रम बढेको छ ।