मिलन के राउत
उर्लाबारी, पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेष्टुरेन्ट होटलमा पार्टी दिने प्रचलन रहेपनि उर्लाबारी ८ दुर्गापुरीका कमल डाँगीले श्रीमतीको जन्मदिन फरक किसिमले मनाउनु भएको छ ।
उहाँले उर्लाबारी ७ स्थित बाल आश्रममा रहेका बालबालिकाको खाना खुवाउन सहयोग गर्नुभएको हो । डाँगी परिवारका तर्फबाट आश्रमका बालबालिकालाई खाना खुवाउनुका साथै खाद्यान्न, तरकारीलगायत का सामग्री उपलब्ध गराइएको थियो । कमलकी श्रीमती दृश्या हङकङमा रहेपनि उहाँको जन्मदिन आश्रममा धुमधामसंग मनाइएको हो ।
जन्मदिनको अवसरमा साथीभाइ आफन्त जम्मा भई गरिने फजुल र अनावश्यक खर्च गर्ने प्रवृत्तिको अन्त्यका लागि आफूले यसरी आश्रमका बालबालिकाको निम्ति सहयोग गरेको बताए । उनले त्यहाँ ६८ जना बालबालिकालाई खाना खुवाएर सानै भएपनि पुण्यकर्म गर्न पाउँदा आफूलाई सन्तोष मिलेको डाँगीले बताउनुभयो । बालबालिकासंग सामिप्यमा रहेर केक काटी खुशीयाली मनाउँदा करोडौमा नमिल्ने खुशी अनुभुत गरेको उहाँले बताउनुभयो । उक्त कार्यक्रममा डाँगी परिवारका जेष्ठ सदस्य लक्ष्मण डाँगीका अलवा उहाँका छोरा–बुहारी केशव र लीलामाया, नातिहरु कमल र विमल डाँगी, नातिनी–नातिनी ज्वाई रिता र टीका कार्की साथै बाल आश्रम संचालकका तर्फबाट अध्यक्ष मीना बराल, प्रलाद थापा, विमल थापा, उर्लाबारी ९ का सामाजिक व्यक्तित्व नारायण बस्नेतको सहभागिता रहेको थियो ।
