उर्लाबारी । मोरङको उर्लाबारी–७ स्थित नमूना बाल गृहका बालबालिकाहरुले खर्बुजा खेती सुरु गरेका छन् ।
उर्लाबारी नगरपालिकाको ५० प्रतिशत अनुदानमा विउ ल्याएर बालबालिकाहरुले खर्बुजा खेती सुरु गरेका हुन् । मंगलबारबाट खर्बुजा विरुवा रोप्ने कार्यक्रम सुरु भएको छ । करिब २ विघा क्षेत्रफलमा व्यवसायिक रूपमा खर्बुजा खेती सुरु गरेको बाल गृहकी अध्यक्ष मिनादेवी बरालले जानकारी दिनुभयो । हाल उक्त बालगृहमा ६८ जना बालबालिका आश्रित रहेका छन् ।
