विराटनगर, मोरङ र उदयपुरमा सवारी दुर्घटना हुँदा २ जना सवारी चालकको मृत्यु भएको छ । मंसिर १७ गते अपरान्ह मोरङको बेलबारी नगरपालिका-८ स्थितमा सिलिङकन बेकेको को.२त ७५४८ नम्वरको ट्याक्टर अनियन्त्रित भई दुर्घटना हुँदा ट्याक्टर चालक सुन्दरहरैंचा नगरपालिका-७ का २५ बर्षीय राजु तामाङ घाईते भई उपचारको लागि कोशी अस्पताल विराटनगर लागिएकोमा अस्पताल पुर्‍याउना साथ उनको मृत्यु भएको थियो । यसै गरी उदयपुरको त्रियुगा नगरपालिका-९ स्थित मदन भण्डारी लोकमार्गमा स.८प ६६९५ नम्वरको मोटरसाईकल आफै अनियन्त्रित भई दुर्घटना हुँदा घाईते भएका मोटरसाईकल चालक त्रियुगा नगरपालिका-५ का ३५ बर्षीय इन्द्र देव चौधरीको उपचारको क्रममा जिल्ला अस्पताल उदयपुरमा मृत्यु भएको थियो । घटना सम्बन्धमा प्रहरीले थप अनुन्धान गरीरहेको छ ।