पथरी शनिश्चरे, पथरी शनिश्चरे नगरपालिकाका प्रमुख मोहन प्रसाद तुम्वापोको अध्यक्षतामा बसेको कार्यपालिका बैठकले विभिन्न निर्णयहरु पारित गरेको छ ।
सोमबार नगरपालिकाको सभाहलमा भएको कार्यपालिका बैठकले बजेट कार्यान्वयन, नगरका सडकहरु मर्मत सम्भार गरिने, विपन्न नागरिक आवासका अधुरा कार्यहरु क्रमागत रुपमा सम्पन्न गर्न तत्काल सुरु गरिने, वडा नं. ४ का तेक्वान्दो अन्तर्राष्ट्रिय खेलाडी चन्द्रबहादर राना मगरलाई सम्मान गरिने, शैक्षिक संस्थाहरुलाई अनुदान दिने कार्यविधि २०८१ र उत्कृष्ट कृषक छनौट कार्यविधि २०८१ पारित गरिएको नगर प्रवक्ता नविन कार्कीले जानकारी दिनुभयो ।
