उर्लाबारी । मोरङको उर्लाबारी–७ मा रहेको सुन्दरफूल बचत तथा ऋण सहकारी संस्थाले स्थापना दिवसको अवसरमा नेपाल रेडक्रस शाखा उर्लाबारीलाई सहयोग गरेको छ ।
२०६५ सालमा निजी तथा आवाशिय विद्यालयका शिक्षकहरु मिली स्थापना गरेको बचत तथा ऋण सहकारी संस्थाले आफ्नो १६ औँ स्थापना दिवसको अवसर पारेर रगत संकलनका लागि आवश्यक पर्ने २ थान आधुनिक कुर्सी रेडक्रस शाखालाई उपलव्ध गराएको हो । ३८ हजार रुपैयाँ बराबरको २ थान कुर्सी उपलव्ध गराएको संस्थाका अध्यक्ष सुरेन्द्र सुवेदीले जानकारी दिनुभयो ।
उक्त कार्यक्रममा रेडक्रसका सभापति भानुभक्त शर्मा पराजुली, सप्तकोशी आमाबि संस्थापक प्रिन्सिपल लेखनाथ भट्टराई लगायतको उपस्थिति रहेको थियो । कार्यक्रम उर्लाबारी नगरपालिका वडा नं.४ की कार्यवहाक वडाध्यक्ष कृष्णमाया कडरियाको प्रमुख आतिथ्यतामा भएको थियो ।
