उर्लाबारी । रक्तदान जीवनदान भन्ने मूल नाराका साथ मोरङको उर्लाबारी–५ मा रहेको श्रीसगरमाथा बचत तथा ऋण सहकारी लि. ले गरेको रक्तदान कार्यक्रम ४७ प्रिन्ट रगत संकलन भएको छ ।
सोमबार संस्थाको सभाहलमा गरिएको रक्तदान कार्यक्रममा ४७ प्रिन्ट रगत संकलन भएको व्यवस्थापक ज्ञाननाथ सुवेदीले जानकारी दिनुभयो । उर्लाबारी रेडक्रसको प्राविधिक सहयोगमा भएको उक्त कार्यक्रममा सहकारीका शेयर सदस्य, कर्मचारी, विद्यार्थी तथा सर्वसाधारणले रक्तदान गरेका थिए । रगतको अभावमा कसैको मृत्यु नहोस् भन्ने हेतुले २८ औं स्थापना दिवसको अवसरमा रक्तदान कार्यक्रम गरिएको अध्यक्ष विजयकुमार कार्कीले बताउनुभयो । प्रत्येक बर्ष सहकारीले स्थापना दिवसमा रक्तदान कार्यक्रम गर्दै आएको छ ।