उर्लाबारी । मोरङको उर्लाबारी–३ मा रहेको दुर्गा माध्यमिक विद्यालयमा शनिबार बृहत सरसफाई कार्यक्रम गरिएको छ ।
विद्यालयमा शिक्षक अभिभावक संघका अध्यक्ष प्रभू राईको अगुवाईमा भएको बृहत सरसफाईमा ५० जना भन्दा बढीको सहभागीता रहेको थियो । उर्लाबारी वडा नं. ३ को एक मात्र सामुदायिक विद्यालयको अवस्था बेहाल बनेपछि राईको आब्हानमा भएको सरसफाईमा उर्लाबारी रन समूह, भेट्रान समूहलगायतको सहभागिता रहेको थियो । उर्लाबारी वडा नं. ३ का वडाध्यक्ष भीष्मराज बुढाथोकी, विद्यालयकी प्रधानाध्यापक शारदा पाण्डेलगायतको सहभागिता रहेको थियो । पछिल्लो समय विद्यालयको शैक्षिक सुधारको लागि राईको सकृयता सकारात्मक देखिएको छ । गत हप्ता मात्रै उहाँकै पहलमा विद्यालयको नयाँ भवनमा रंगरोगन कार्य सम्पन्न भएको थियो । रंगरोगनको लागि देश तथा विदेशबाट विद्यालयलाई सहयोग प्राप्त भएको थियो ।