उर्लाबारी । मोरङको उर्लाबारी–६ मा रहेको राधिका माध्यमिक विद्यालयका विद्यार्थीहरुले कक्षा १२ को परीक्षामा उत्कृष्ट नतिजा ल्याएका छन् ।
विज्ञान संकायमा २४ जना सहभागीमध्ये २३ जना उर्तिण भएको विद्यालय सूचना अधिकारी ऋषीकेश खनालले जानकारी दिनुभयो । विज्ञान संकायमा ९६ प्रतिशत नतिजा ल्याउन विद्यालय सफल भएको उहाँले बताउनुभयो । उहाँका अनुसार १ जना अंग्रेजी विषयमा फेल भएका छन् ।
राधिका माबिले विज्ञान संकायमा निरन्तर उत्कृष्ट नतिजा ल्याउँदै आएको विद्यालय ब्यवस्थापन समितिका अध्यक्ष लोलिम पोमुले बताउनुभयो । विद्यार्थी, शिक्षक,अभिभावक, विद्यालय ब्यवस्थापन समितिलगायतका कारण राधिकाले उत्कृष्ट नतिजा ल्याउन सफल भएको भन्दै उहाँले सबैलाई धन्यवाद ज्ञापन गर्नुभयो । सामुदायिक विद्यालयको गुणस्तर सुधारमा सबैको भूमिका महत्वपूर्ण हुने भएकाले राधिकाले सम्पूर्णको सल्लाह र सुझावअनुसार अघि बढिरहेको उहाँको भनाई छ ।