उर्लाबारी । मोरङको उर्लाबारीमा १० वटा संस्थाको संयुक्त आयोजनामा बृहत निःशुल्क आँखा शिबिर आयोजना गरिने भएको छ ।
यही साउन १२ गते उर्लाबारी–७ को राधिका माध्यमिक विद्यालयमा बृहत निःशुल्क आँखा शिबिर हुने भएको हो । लायन्स क्लब अफ उर्लाबारी, लायन्स क्लब आस्था, लायन्स क्लब अफ इष्र्टन मोरङ, लायन्स क्लब अफ मधुमल्ला, रोटरी क्लब अफ उर्लाबारी, रोट्रयाक्ट क्लब अफ उर्लाबारी, उर्लाबारी जेसीज, मोरङ सुनचाँदी ब्यवसायी संघ उर्लाबारी, मारवाडी युवा मञ्च उर्लाबारी र मारवाडी महिला मञ्च उर्लाबारीको संयुक्त आयोजनामा निःशुल्क शिबिरको आयोजना गरिएको लायन्स क्लब अफ उर्लाबारीका अध्यक्ष पवन अग्रवालले जानकारी दिनुभयो । उहाँका अनुसार शिबिरमा आँखा जाँच, मोतियाविन्दुको परीक्षण तथा सल्यक्रिया गरिने छ । विराटनगर आँखा अस्पतालको प्राविधिक सहयोगमा हुने उक्त शिबिरको मिडिया पार्टनर सञ्चार क्लब नेपाल उर्लाबारी रहेको छ ।