उर्लाबारी । मोरङको उर्लाबारीस्थित नेपाल रेडक्रस सोसाइटी उर्लाबारी उपशाखाको आयोजनामा एक दिवसीय युरेस÷जुरेस अभिमुखीकरण कार्यक्रम सम्पन्न भएको छ ।

बुधबार उर्लाबारी नगरपालिकाकी नगर उपप्रमुख मीना खतिवडा पौडेलको प्रमुख आतिथ्यता सो कार्यक्रम भएको हो । कार्यक्रममा नेपाल रेडक्रस सोसाइटी मोरङ जिल्ला सभापति सुवोधकुमार सिंह, जिल्ला शाखाका पदाधिकारी, उर्लाबारी उपशाखा पूर्वसभापतिहरुलगायतको उपस्थिति रहेको थियो । अभिमुखीकरणमा उर्लाबारीमा जुरेस÷युरेस गठन भएका २० विद्यालयका शिक्षक नायक तथा विद्यार्थी गरी १ सय जनाको सहभागिता रहेको थियो । कार्यक्रमको सञ्चालन उपशाखा सचिव गोपालप्रसाद रिमालले गर्नुभएको थियो भने स्वागत मन्तव्य उपशाखा सदस्य कमल गौतमले राख्नुभएको थियो । उपशाखा सभापति भानुभक्त शर्मा पराजुलीको अध्यक्षतामा कार्यक्रम भएको थियो ।