उर्लाबारी । नेपाल शिक्षक महासंघ मोरङको अध्यक्षमा कुमार पोख्रेल चयन हुनुभएको छ । आज विराटनगरमा सम्पन्न महासंघको दोस्रो जिल्ला सम्मेलनबाट राधिका मावि उर्लाबारी–६ का प्रधानाध्यापक पोख्रेल अध्यक्षमा चयन हुनुभएको हो ।
महासंघमा आवद्ध संस्थाहरुबीचको आपसी समझदारीमा सर्वसम्मत रुपमा जिल्ला नेतृत्व चयन भएको हो । नेपाल शिक्षक संघका पोख्रेल अध्यक्षमा चयन हुँदा सहअध्यक्षमा एकीकृत अखिल नेपाल शिक्षक संगठनका घनश्याम ढकाल, महिला उपाध्यक्षमा कर्मचारी परिषद्की सविता मैनाली दाहाल, उपाध्यक्षमा नेपाल राष्ट्रिय शिक्षक संगठनका हरिप्रसाद पराजुली, सचिवमा नेपाल राष्ट्रिय शिक्षक संगठनका प्रेमप्रकाश कोइराला, सहसचिवमा राधा थापा, विजेन्द्रप्रकाश मण्डल, राजेन्द्र घिमिरे, राजीवकुमार यादव र डा. पदम बिमली चयन हुनुभएको छ ।
यस्तै, सदस्यहरुमा उषाकुमारी मण्डल, कविताकुमारी मण्डल, मिलन ढकाल, अनिलकुमार दास, राजेन्द्र आचार्य, मनोज राजवंशी, चन्द्रप्रकाश दाहाल, रत्नप्रसाद धिमाल, शारदा दाहाल भण्डारी, आइतकुमारी लिम्बू, भरत थापा मगर, चन्द्रबहादुर बानियाँ, तुलाराम खवासलगायत रहनुभएको छ ।