उर्लाबारी । पूर्वपश्चिम राजमार्गअन्तरगत उर्लाबारी–७ मा मोटरसाइकल र मारुती भेन ठोकिँदा एक जनाको मृत्यु भएको थियोे भने अर्का एक जना घाइतेको बी एण्ड सी हस्पिटलमा उपचाररत थिए । उनको पनि सोमबार राति निधन भएको छ ।
दुर्घटनामा घाइते भएका उर्लाबारी–४ को बर्ष ३२ को हिरण वि.क.को भेन्टिलेटरमा राखेर उपचार गरेता पनि उपचार सम्भव नभएको अस्पतालले जनाएको छ । पूर्व पश्चिम राजमार्गमा पश्चिमवाट पूर्वतर्फ आउँदै गरेको को १ च ३६४४ नम्बरको मारुती भेन र पूर्वबाट पश्चिमतर्फ जाँदै गरेको ना १३ प ७६३२ नम्बरको मोटरसाइकल एक आपसमा ठक्कर खाई दुर्घटना भएको थियो । मोटरसाइकलमा सवार उर्लाबारी–४ बस्ने बर्ष २५ को पवन लिम्बूको यसअघि नै मृत्यु भएको थियो । मोटरसाइकल र भेन ईप्रका उर्लाबारीको नियन्त्रणमा छ । भेन चालक ईलाम चुलाचुली गापा २ बस्ने बर्ष ४५ को वकिल कुमार देवानलाई पनि प्रहरीले नियन्त्रणमा राखेको छ ।