उर्लाबारी, मोरङको उर्लाबारीमा नवौं अन्तर्राष्ट्रिय टोपी दिवस मनाइएको छ । सञ्चार क्लब नेपाल र ग्लोबल युवा क्लबको संयुक्त आयोजनामा प्रभातफेरी र कोणसभा गरी दिवस मनाइएको हो ।
शनिबार बिहान नेपाली टोपीसहित भेला भएका उर्लाबारीवासीको ¥याली उर्लाबारी चौकबाट बरगाछी हुँदै पुनः चौकमा आएर कोणसभामा परिणत भएको थियो । कोणसभालाई सम्बोधन गर्ने वक्ताहरुले नेपाली राष्ट्रियता, संस्कार, संस्कृति संरक्षण गर्नुपर्नेमा जोड दिएका थिए । उनीहरुले नेपाली मौलिक पोसाकको संरक्षणमा टोपी दिवसले महत्वपूर्ण भूमिका खेल्ने बताए ।
कार्यक्रममा ग्लोबल युवा क्लबका अध्यक्ष प्रेम याक्खा, सञ्चार क्लब नेपालका अध्यक्ष नवराज भट्टराई, सामाजिक अभियन्ताहरु जयधर्म आचार्य, रुद्र तामाङ र नेत्र खनालले टोपी दिवसको शुभकामना मन्तव्य राखेका थिए । सो अवसरमा विभिन्न राजनीतिक दलका प्रमुख तथा प्रतिनिधि, जनप्रतिनिधि, निजी तथा सामुदायिक विद्यालयका प्रमुखहरु, संघसंस्थाका प्रमुख तथा प्रतिनिधिको उल्लेख्य सहभागिता रहेको थियो ।
