उर्लाबारी । सिरहा घर भई उर्लाबारीमा बस्दै आएका युवा विजय यादब नेकपा माओवादी केन्द्रमा प्रवेश गर्नुभएको छ ।
आज वाइसीएल नेपाल मोरङ जिल्ला समन्वय समितिको बैठकबाटै औपचारिक रुपमा यादब माओवादीमा आबद्ध हुनुभएको हो । देशको आमूल परिवर्तनको एजेण्डा माओवादीको भएको र त्यसबाट प्रभावित भएर माओवादीमा आबद्ध भएको यादबले बताउनुभयो । बैठकमा नेकपा माओवादी केन्द्र प्रदेश १ कमिटिको अध्यक्षमा हर्कबहादुर नेम्वाङ (मिक्सो), मोरङ जिल्ला समन्वय समितिको संयोजकमा विजयकुमार विश्वास, वाइसिएल नेपाल केन्द्रीय सचिवालय सदस्य तथा प्रदेश १ सह–संयोजक ईश्वरीप्रसाद आचार्य, केन्द्रीय अनुशासन आयोगका सदस्य दिपक आलेमगरलगायतको सहभागिता रहेको थियो । कार्यक्रममा वाइसिएल मोरङ संयोजक राजिब लिम्बूको अध्यक्षतामा भएको थियो ।
