उर्लाबारी । उर्जाशिल युवाहरुको समूहले मोरङको उर्लाबारी वडा नं. ५ मा होटल ग्राण्ड सञ्चालनमा ल्याउँदै हुनुहुन्छ । पूर्वी मोरङमा बसाईको साथै थकाली खानाका लागि उत्कृष्ट गन्तब्य होटल ग्राण्ड बनाउने सञ्चालक केशब भट्टराईले जानकारी दिनुभयो । असोज २५ गते उर्लाबारी नगरपालिकाका नगरप्रमुख खड्ग फागोले होटल ग्राण्डको उद्घाटन गर्नुहुनेछ ।
उर्लाबारीबाट नयाँ व्यावस्थापनका साथ संचालनमा आउन लागेको होटल ग्राण्डको उद्घाटनमा लोकप्रिय गायक प्रमोद खरेल र चर्चित नव गायिका रचना रिमाल आउनु हुनेछ । विगत लामो समय देखी उर्लाबारी चौकमा संचालन अवस्थामा रहेको होटल सिंङहिमका नामले संचालित होटललाई युवा व्यावसायी भट्टराईले नया नाम र नया व्यावस्थापनका साथमा संचालनमा ल्याउन लागिएको बताउनुभयो ।
पारीवारीक र खुल्ला वातावरणमा रमाउन चाहनेहरुका लागि होटल ग्राण्ड एक अव्वल गन्तव्य हुने उहाँको भनाई छ । होटल उद्घाटनको २६ गते गायिका रचना रिमाल र २७ गते गायक प्रमोद खरेलको प्रस्तुति हुने छ ।
थकाली खानासहित पूर्वमा बस्नका लागि उपयुक्त स्थान होटल ग्राण्ड बन्ने सञ्चालकको दाबी छ । टिकटकलगायत आगन्तुक ग्राहकहरुले आकर्षक गार्डेन, ब्याटमिन्टन कोर्टसमेत तयार पारिएको छ । कार्यक्रमका लागि सेमिनार हललगायतको ब्यवस्था छ ।