उर्लाबारी । यही चैत्र २६ गते नेकपा (एमाले) उर्लाबारी नगर कमिटीको दोस्रो नगरअधिवेशन हुँदैछ । नगरअधिवेशनले नयाँ नेतृत्व चयन गर्ने भएकाले नेतृत्व लिन रसाकस्सी सुरु भएको छ ।
नगर कमिटीको अध्यक्ष वर्तमान अध्यक्ष गंगाप्रसाद बास्तोलाले मैदान खाली गरेपछि सुरेन्द्र शेर्मा, मेघराज श्रीपाली, निरोज तिम्सिना र गोपालप्रसाद रिमाल नेतृत्व लिने होडमा हुनुहुन्छ । चारै जनाले सशक्त अध्यक्षमा दाबेदारी प्रस्तुत गर्नुभएको छ । जसका कारण सर्वसम्मत नेतृत्व चयन गर्न सकस देखिएको छ ।
अध्यक्षमात्र होइन उपाध्यक्ष, सह–सचिबमा पनि आकांक्षीहरुले उम्मेद्वारी घोषणा गरिरहेका छन् । उपाध्यक्षमा सुरेश शाक्य, योगराज लिम्बू र खेमचन्द्र थापाले उम्मेद्वारी घोषणा गर्दै आफ्नो पक्षमा माहोल सिर्जना गरिरहनुभएको छ ।
त्यस्तै, सहसचिबमा छबिलाल दाहाल र नितम चौहानले उम्मेद्वारी दिने घोषणा गरिसकेका छन् ।
