बिराटनगर,मोरङको दुई छुट्टा छुट्टै स्थानमा सवारी दुर्घटनाबाट २ जनाको मृत्यु भएको छ । मंसिर ११ गते साँझ सुन्दरहरैचा नगरपालिका-१० स्थित भित्रि सडक खण्डमा प्र.१-०२-०४६ प ३२१२ नम्बरको मोटरसाईकलले ठक्कर दिदा घाईते भएकी पैदल यात्री स्थानिय ६४ बर्षीया सिता गुरागाईलाई उपचारको लागी नोबेल अस्पताल बिराटनगर लगिएकोमा अस्पताल पुर्‍याउन साथ मृत्यु भएको थियो । ठक्कर दिने मोटरसाईकल चालक ग्रामथान गाउँपालिका-७ का भुवन खप्तरीलाई इलाका प्रहरी कार्यालय बेलबारीले नियन्त्रणमा लिएको छ ।
त्यसैगरी सोही दिन राती पौने ९ बजे बुढीगंगा गाउँपालिका-५ स्थितमा साइकल आफै अनियन्त्रित भई दुर्घटना हुदा घाईते भएका साइकलयात्री स्थानीय २५ बर्षीय जलेश्वर सरदारलाई उपचारको लागी बिराट टिचिङ अस्पताल लगिएकोमा अस्पताल पुर्याउन साथ मृत्यु भएको थियो ।
घटना सम्बन्धमा जिल्ला प्रहरी कार्यालय मोरङबाट अनुसन्धान भईरहेको छ ।