मोरङ । म्याकुरीको नामले परिचित कलाकार पवन खतिवडासहित २ जनालाई मादक पदार्थ सेवन गरी झगडा गरेको आरोपमा प्रहरीले पक्राउ गरेको छ ।
मंगलबार राति बेलबारी–१ मा रहेको एक होटलमा मादक पदार्थ सेवन गरी सँगै मादक पदार्थ सेवन गरेका बेलबारी–४ का एक युवालाई टाउकोमा प्रहार गरी टाउको फुटाईदिएपछि इलाका प्रहरी कार्यलय बेलबारीले नियन्त्रणमा लिएको हो । होटलबाट बाहिर निस्किएर झगडा गरेको प्रहरीलाई स्थानीयले खबर गरेपछि उनीहरुलाई नियन्त्रणमा लिईएको ईलाका प्रहरी कार्यालय बेलबारीका प्रहरी निरीक्षक खगेन्द्र धमलाले जानकारी दिनुभयो ।
