उर्लाबारी । नेपाली कांग्रेसका युवा नेता तथा प्रदेश नं. १ का सह–महामन्त्री खड्ग फागोले ‘म कांग्रेस हुँ’ भन्दै कांग्रेसलाई नै हराउन लाग्ने प्रवृत्तिको अन्त्य हुनु पर्ने बताउनुभयो ।
मोरङको उर्लाबारीमा आज जनतासँग कांग्रेस अभियान कार्यक्रममा बोल्दै उहाँले सो कुरा बताउनुभएको हो । नेपाली कांग्रेस क्षेत्र नं. १ (क) को आयोजनामा भएको सो कार्यक्रम बोल्दै जनताको पार्टी नेपाली कांग्रेस भएकाले अब सुद्धिकरणका साथ अघि बढ्नु पर्नेमा उहाँले जोड दिनुभयो । पार्टी कार्यकर्ताहरु एकढिक्का भएर मंसिर ४ गते हुने प्रदेशसभा र प्रतिनिधिसभाको निर्वाचनमा लाग्न उहाँले कार्यकर्तालाई निर्देशन दिनुभयो । राष्ट्र, राष्ट्रियता र लोकतन्त्रको रक्षाका लागि नेपाली कांग्रेसले गठबन्धन गरेको र गठबन्धनका उम्मेदवारलाई काखापाखा नगरी लोकन्त्रको रक्षाका लागि मतदान गर्न उहाँले आग्रह गर्नुभयो ।