उर्लाबारी । मोरङको उर्लाबारी नगरपालिकाका मेयर खड्ग फागोले खेलकुदको विकासका लागि उर्लाबारी नगरपालिकाका प्रतिबद्ध रहेको बताउनुभयो ।
आज उर्लाबारी मेयर कप फुटबलको उद्घाटन गर्दै मेयर फागोले सो कुरा बताउनुभएको हो । उहाँले उर्लाबारीमा आवश्यक खेलमैदानका साथै सम्पूर्ण खेलहरुको विकासका लागि नगरपालिका लागि परेको उल्लेख गर्नुभयो । खेलको माध्यमबाट उर्लाबारीलाई चिनाउन धेरै खेलाडीहरुको महत्वपूर्ण भूमिका रहेको उल्लेख गर्दै नगरपालिकाले प्रत्येक बर्ष खेलकुदका लागि बजेट विनियोजन गरी खेलकुदको विकासमा जोड दिइरहेको उहाँले बताउनुभयो । फुटबल, भलिबल, कराँते, ब्याटमिन्टनलगायतका सबै खेलको विकासमा नगरपालिका लागि परेको उहाँको भनाई छ ।
