समिर सुवेदी झापाका चर्चित युट्यूबर हुन् । उनी सुपर अनलाइन टिभी नामक युट्यूब चलाउने छन् । ५ लाख ६० हजार हाराहारी उनको युट्यूबमा सदस्य रहेका छन् ।
उनको परिचय यतिमै सिमित भने छैन । उनी पूर्वका परिचित कलाकार पनि हुन् । सुवेदीले टेलिफिल्म, सर्ट फिल्म, विभिन्न गीतमा मोडलिङ पनि गरेका छन् । उनी निर्देशन र लेखनमा पनि पोख्त छन् । कलाकारितामा संघर्षरत रहेका सुवेदीले अभियन गरेको ‘अब त्यही गरौला’ बोलको गीतको भिडियो आउँदैछ । केही समयअघि ‘रम्दैन मन’ बोलको गीतमा पनि अभियन गरेका थिए । उनी सामाजिक कार्यमा पनि उतिकै लगाब राख्छन् । उनकै नेतृत्वमा लाखौं रुपैयाँ देशविदेशबाट सहयोग संकलन भएको छ । विभिन्न पीडामा परेका ब्यक्तिहरुलाई महलम लगाउने काम उनले गरेका छन् । ‘जीवन संघर्ष हो, सकेसम्म राम्रो काम गर्ने प्रयास गरेको छु’ उनी भन्छन्,‘अरुको विरोधभन्दा आफ्नो कर्ममा विश्वास गर्नुपर्छ, अनिमात्र अघि बढ्न सकिन्छ ।’
कलाकारिता क्षेत्रमा पनि स्थापित हुने उनको चाहना छ । कलाकारितामा उनको सानैदेखि लगाब थियो । त्यसलाई पूरा गर्न निरन्तर संघर्ष गरिरहेका छन् । युट्यूब चलाउनु उनको सौख पनि हो । उनी हरेक क्षेत्रमा अब्बल बन्ने प्रयासमा छन् । उनलाई हाम्रोतर्फबाट पनि शुभकामना ।