उर्लाबारी । मोरङको उर्लाबारी–३ मा रहेको प्राथना रिट्रिटको आयोजनामा चर्चित टिकटकर कुलब्वाई सँगै र्यापर भाईबर साईमनको बजोड प्रस्तुति सम्पन्न भएको छ ।
नेपालीहरुको महान चार्डपर्व शुभदिपावलीलाई मध्यनजर गर्दै युवा पुस्तामा सर्वाधिक लोकप्रिय नेप पपको श्री पेज सिजन वानका बिजेता र्यापर भाइबर साईमन साथै पछिल्लो समय टिकटकको माध्यमबाट एकाएक चर्चामा आएका टिकटकर तथा र्यापर पारस बम ठाकुरी उर्फ कुल ब्वाईलाई ल्याएर उर्लाबारीमा पहिलो पटक भब्य रुपमा कन्सर्ट गरिएको रिट्रीटका अध्यक्ष रविन गुरुङले जानकारी दिनु भएको छ । अध्यक्ष गुरुङले रिट्रीटबाट विगत देखि नै विभिन्न कलाकारहरुलाई निमन्त्रणा गरि कलाकारहरुलाई प्रमोट गर्ने गरेको हुँदा आगामी दिनहरूमा पनि त्यस्ता कार्यलाई निरन्तरता दिने बताउनुभएको छ ।