पछिल्लो समय धोकेवाज गायिकाको ट्याग पाएकी गायिका एलिना चौहानको फेरि अर्को धोकेवाज गीत सार्वजनिक भएको छ । धोकामा छ मन धोकेवाज मनमा हुक लाईन रहेको गीतमा एलिनाको सुमधुर आवाज सुन्न सकिन्छ भने शव्द संगीत भाष्कर श्रेष्ठको रहेको छ ।
करीयरको सुरवाती बिन्दुमा युगल गीत के माया लाग्छबाट धेरै चर्चा बटुलेकी गायिकाको बेलाबेलामा गीतहरुले सर्वाधिक चर्चा पाउने गरेको छ । केही समय अघि धोकेवाज हौ तिमी भन्ने गीतमा युवा पस्ता धेरै नै आकर्षित भएका थिए । फेसबुक र टिकटकमा यसको प्रभाव धेरै नै परेको देख्न सकिन्छ । सबै स्वादको गीत गाउने र बच्चा देखी बृद्धासम्मका फ्यान फ्लोवर्स बटुलेकी एलिनालाई प्रेम र बिछोडको गीतप्रति लगाब भएको देख्न सकिन्छ । हुन पनि प्रेम र बिछोडको गीतमा युवा पुस्ता झुमिने गरेको र सामाजिक संजालमा अधिकांश युवाहरुको पँहुच भएकाले गर्दा पनि यस्ता गीतलाई छिट्टै चर्चा बटुल्नमा सहज हुन्छ । धोकामा छ मन गीतमा विषेश भुमिका गायक प्रताप दासको पनि रहेको छ ।
अहिलेको समयमा मेल भर्जन, फिमेल भर्जन जस्ता भर्जन अनुसार क्रमैसंग गीत आउने भएकाले यहि गीतको मेल भर्जन प्रतापको आवाजमा आउने हो कि भनेर अड्कल काट्न सकिन्छ । गीतको शब्दले प्रेममा बिछोड भएकाहरुको मन चस्स छुने गरेको कमेन्ट देख्न सकिन्छ । अधिकांशले तारीफ गरिएको गीतको संगीत साँच्चै नै धेरै राम्रो रहेको छ ।