उर्लाबारीमा जारी प्रादेशिक महोत्सवमा चर्चित कलाकारहरुको प्रस्तुतिले माहोल तातेको छ ।
शनिबार राति गायक प्रकाश सपुत, डम्बर नेपाली र गायिका बेनिशा पौडेलको गीतमा दर्शक झुमे । उर्लाबारी उद्योग बाणिज्य संघको आयोजनामा सञ्चालन भइरहेको महोत्सवको आठौं दिनमा उनीहरुको प्रस्तुतिसँगै उर्लाबारीलगायत आसपास क्षेत्रका दर्शकहरुले भरपुर मनोरञ्जन लिए । तीनै जनाले आफ्ना चर्चित गीत प्रस्तुत गर्दै दर्शकलाई मनोरञ्जन दिए । गायक प्रकाश सपुतले उर्लाबारीमा उल्लेखिय दर्शकको माया पाएको बताए । उर्लाबारीका गायक डम्बर नेपालीले स्थानीय ठाउँमा कार्यक्रममा सहभागी हुन पाउँदा बग्लै मज्जा हुने बताए ।